ჩემპიონთა ლიგის მეოთხედფინალური ეტაპის განმეორებით შეხვედრაში “ატლეტიკო” “ბარსელონასთან” 1:2 დამარცხდა, თუმცა ორი მატჩის ჯამში სიმეონეს გუნდმა 3:2 გაიმარჯვა და ნახევარფინალში გავიდა.
“ბარსელონამ” აქტიურად დაიწყო. 33-ე წამზე იამალმა “ატლეტიკოს” კარში დაარტყა და მუსომ საკუთარი გუნდი გაშვებული გოლისგან იხსნა. მე-4 წუთზე კლემან ლენგლეს შეცდომის შემდეგ, ლამინი მუსოსთან პირისპირ აღმოჩნდა, ამჯერად ახალგაზრდა ესპანელმა არგენტინელს აჯობა და ანგარიში გახსნა.
24-ე წუთზე დანი ოლმოს ბრწყინვალე პასის შემდეგ ფერან ტორესმა ეფექტური გოლი გაიტანა და სხვაობა ორ ბურთამდე გაზარდა. 31-ე წუთზე ადემოლა ლუკმენმა მარკოს ლორენტეს პასით ერთი ბურთი გაქვითა და “ინდიელები” შემდეგ ეტაპზე გაიყვანა.
დარჩენილ დროში მიუხედავად “ბარსას” მცდელობებისა, ფლიკის გუნდმა გოლის გატანა ვეღარ მოახერხა, 79-ე წუთზე კი შეხვედრის მთავარმა არბიტრმა, კლემენ ტურპენმა, სორლოტზე უხეშობის გამო ერიკ გარსია გააძევა.
“ატლეტიკო” ჩემპიონთა ლიგის მეოთხედფინალში “არსენალსა” და “სპორტინგს” შორის გამარჯვებულს 29 აპრილს და 6 მაისს შეხვდება.
მადრიდი. „ვანდა მეტროპოლიტანო“
ატლეტიკო – ბარსელონა 1:2
გოლები: 0:1 იამალი (4), 0:2 ტორესი (24), 1:2 ლუკმენი (31)
გაძევება: გარსია (79)
წყარო: Sportall.ge
SportMedia.Live
