ბოსნიის ნაკრების თავდამსხმელმა ერმედინ დემიროვიჩმა, იტალიასთან მსოფლიო ჩემპიონატზე გასასვლელი პლეი-ოფის ფინალის წინ განაცხადა, რომ გამარჯვების შემთხვევაში, თავისი კლუბის, “შტუტგარტის” ყველა გულშემატკივარს, ვინც სტადიონზე მივა, ლუდით გაუმასპინძლდება.
მატჩის შემდეგ დემიროვიჩმა Sky Sport News-ს უთხრა, რომ დანაპირებს შეასრულებს: “ყველას ვუყიდი. მე სიტყვას ყოველთვის ვასრულებ. იაფი არ დამიჯდება, მაგრამ ამას სიამოვნებით გავაკეთებ”.
“შტუტგარტ არენა” 60 469 მაყურებელს იტევს.
ბოსნია მსოფლიო ჩემპიონატზე B ჯგუფში კანადასთან, კატართან და შვეიცარიასთან ერთად ითამაშებს.
წყარო: Sportall.ge