„სევილია“ „ლივერპულის“ 21 წლის მეკარით, არმინ პეჩით (სიმაღლე 190 სმ) დაინტერესდა, – იტყობინება AS-ი.
ესპანური კლუბი პეჩის ზაფხულში გადაბირებას შეეცდება და არ არის გამორიცხული, მერსისაიდულმა კლუბმა იჯარით გაუშვას.
პეჩი ავსტრიაში დაბადებული, მაგრამ „პუშკაშ აკადემიის“ აღზრდილია, საიდანაც „წითლებში“ 2025 წლის ზაფხულში გადავიდა, ამ სეზონში კი პრემიერლიგის 21-წლამდელთა ტურნირზე 16 მატჩში მიიღო მონაწილეობა. არმინი უნგრეთის ახალგაზრდული ნაკრების წევრია, ხოლო transfermarkt-ის მიხედვით მისი ფასი 800 ათასი ევროა.
პეჩს „ლივერპულთან“ კონტრაქტი 2030 წლის 30 ივნისამდე აქვს გაფორმებული.
ადრე გავრცელდა ინფორმაცია, რომ, შესაძლოა, ალისონი „იუვენტუსში“ გადავიდეს და გიორგი მამარდშვილი ძირითადი მეკარე გახდეს.
წყარო: Sportall.ge